عباس أبو الحسن: "زوج جينفر لوبيز بقا منطفي وفي نظرته استسلام"
تناول الفنان عباس أبو الحسن، زواج جينفر لوبيز وبن أفليك بعد قصة حب دامت لـ 20 عامًا، ونشر صورتين لهما في مراحل مختلفة وأوضح التطور الذي حدث لشخصيتهما.
وكتب عباس عبر حسابه الشخصي بموقع التاوصل الاجتماعي فيس بوك: توقفت عند الصورة دي وتأملتها.. في فرق 20 سنة بينهم، في 2002 هو التقل في الصورة عنده متوهج وعنيه بتلمع، ويبدو عنده خطة خاصة به، وغموض ساحر في هالته وهي شكلها عادي، مطفية وعينيها تايهة وتفتقد اليقين.
واستكمل:"بعد 20 سنة لما رجعوا لبعض واتجوزوا هتلاقي الآية اتعكست؛ التقل والسحر والغموض والتوهج راح عندها هي، وهو مطفي ونظرة استسلام وشك والهالة الساحرة إختفت.. الحقيقة أن دي قصة الرجل والمرأة وتطورهم الطبيعي، مع الوقت تتحول الفتاة إلى إمرأة بتنضج، وبتكتمل وبتدرك قوتها وكينونتها وتفردها وبيتقلص حجم الراجل في حياتها، لأنها بتفقسه وبتكتشف أنه في الآخر هيش على مافيش.
واختتم أبو الحسن: الشاب بيصبح رجل منهك، حيله مقطوع وتقلصت مخالبه، ونفسه مكروش، ومش قادر على التناطح مع كائن معدش بياكل من أونطة زمان، وزمان لما شفت أبويا وأمي وأزواج آخرين من الجيل بتاعهم، واللي حصل بينهم أدركت مُلخص عبقري للعلاقة بين الزوج والزوجة المصريين، وهي: في أول 15 سنة الراجل الفحل بيعذب في الست المقهورة، والـ 15 سنة اللي بعدهم الست القوية بتنتقم من الراجل، اللي اتكشف وبان وبعدين يطلقوا ويبقوا زي الإخوات.. وعجبي.
وتزوجت النجمة العالمية جينفر لوبيز من النجم بن أفليك مؤخرا بعد قصة حب استمت 20 عاما.
مصدر : masrawy.com
(*)