حملة مدفوعة الأجر .. ريهام حجاج تنفي سخريتها من ياسمين عبد العزيز
نفت الفنانة ريهام حجاج قيامها بالسخرية من الفنانة ياسمين عبد العزيز، بعد مرضها والأنباء التي تم تداولها عن طلاقها من الفنان أحمد العوضي، كما ذكر عدد من الصفحات الفنية.
ونشرت ريهام حجاج عبر حسابها في إنستجرام مقطع فيديو يعرض ما تم نشره على
تلك الصفحات على لسانها، وعلقت قائلة : "إزيكو يا جماعة أنا أول مرة أتكلم
في الموضوع ده، بس قررت إني المرة دي مش هسكت".
وأضافت : "أنا منزلة لكم 15 خبر نازل في 15 صفحة أو أكثر، وهي حملة مدفوعة
الأجر فيها كلام لا اتقال على لساني ولا عارفة عنه أي حاجة، نزل كله في
توقيت واحد وعلى صفحات كثيرة جدا".
وتابعت : "أنا معرفش إيه سبب لازم تتجاب سيرتنا في مشاكل ملناش دعوة بيها،
زي ما بيحصل من 4 سنين بس المرة دي الموضوع بوخ وزود".
طالع أيضا - نجلاء بدر بعد رفض إقامتها بمفردها في فندق : خدوا بطاقتي
و"لطعوني" ساعة .. هل القانون مخصوص عشاني؟
واختتمت ريهام حجاج رسالتها قائلة : "أنا معنديش حساب على تويتر، والكلام
ده متقالش ، وإنه ينزل بالفجاجة دي وعلى كمية صفحات وحسابات كبيرة في وقت
واحد أكيد مش صدفة".
وكان أحمد العوضي قد رد على الأنباء المتداولة حول طلاق ياسمين عبد العزيز
منه، ونشر عبر حسابيه في إنستجرام وفيسبوك صورة تجمعه بزوجته وكتب معلقا
عليها : "مهما يحصل بينا هتفضلي انتي كل حاجه وكل حياتي بحبك".
كما كتب على فيسبوك : " : انا صمتي كان عشان ده خلاف بيني وبين زوجتي
الحبيبه زي اي زوجين طبيعيين .. وياسمين علي طبيعتها فعبرت عن غضبها زي اي
اخت من اخواتي لما بتتصرف .. لإنها بتتصرف بتلقائيه علي طبيعتها بعيدا عن
النجوميه، فمنعا للقيل والقال انا بقولها اني بحبك، واللي بيني وبينك اكبر
بكتير من اي خلاف اوكلام فاضي".
(*)